EL LADRO E EL PAPAGALO

 Na olta un ladro gera drio caminar intorno dele case de un quartier dea cità. El camineva qua e là, drio sercando ndove rubar. Dopo na s-cianta de tempo el ariva te na bela casa che gavea un piè de naransara, là un papagalo lo vardea con i òcii spalancai. El ladro sicuro de quel che fava. Davanti la casa ghinavea una targa scrito “atension con el papagalo”, el ladro ga ledesto e ga parlà a sotovose, ze qua incoi che impienisso el saco, anca le scarsele. E rento el portelo, ga visto che non gavea gente a casa, ga ito cosita: - Zelo próprio qua che vao laorar.

E pian pian seita a caminar, romai dentro del córtivo.

-      Ma el papagalo che non gera mia bauco e gavea la funsion de rincurar la casa ga ito: - Ciapa, ciapa Leon, ciapa leon, suito leon, ciapa!

Ze vegnesto a tuta corsa el can che se ciamava leon. Cosita el ladro ga fato un sforso grande par scampar via. Ma poco ga giovà, parché el can lo ga ciapà tel tafanário e lo ga belche morsegà. El ladro ga podesto scampar, ma sensa un toco del culo. Santa Madona! Par fortuna che el can no ga ciapà le batarie del ladro, con una morsegada el podeva trar via tuto quele robe li...

-      E là ntea naransara el papagalo sbraitava: “Brao leon, sito brao. Qua questo ladro non vien pi!” 

 

      

EL TOSATEL AFAMÀ E EL PAPAGAL FORTUNÀ

 

In Cuba, un tosatel ariva dea scola con massa fame e domanda ala mama:

-      Mama, cosa gavemo par magnar?

-      Gnente, me fiol.

-      El tosatel varda el papagal dea casa e dise:

-      Gnanca papagal con riso?

-      Non gavemo riso, caro da Dio!

-      E papagal rostio?

-      Non gavemo gas.

-      Lo podemo rostirlo ntea rostidora létrica!

-      Non ghe ze letricità, me fiol.

-      A go voia de magnar papagal frito.

-      Non gavemo ólio, me fiol.

-      Sbraita el papagal:

-      Viva Fidel!!! Viva Fidel!!!